Еңбектің бағаланғаны адамның жұмысқа деген ынтасының барынша артуына ықпал етеді. Ауыр өндірісте жүріп, еңбегіне қарай сый-құрметкөріп жатса, кім-кімге де қуаныш.
Жарты ғасырдан аса сапалы өнімімен табысқа кенеліп келе жатқан құю-механикалық зауыты өңірдегі өндіріс ошақтарына қажетті бөлшектерді дайындаумен шұғылданады. Бұл зауыттанқаншама еңбек әулеттері, даңқты металлургтер шықты. Соның барлығы да өндірістегі адал еңбектерінің арқасы.
Кәсіби мерекеде зауыттың металлургтерінің мерейін асырған жиын өтті. Оған өндіріс нысанының басшылығы мен «КәсіпҚорған» кәсіподағы ұйытқы болды. Атаулы күні кәсіподақ ұйымының ұйғарымымен үшінші дәрежелі «Еңбек даңқы» төсбелгісімен Эдуард Көпеев марапатталды.
«КәсіпҚорған» кәсіподағы Жезқазған филиалының төрағасы АқылбекТөлепбергенов Эдуард Серікбайұылының салаға сіңірген еңбегіне алғысын білдірді. Жиында «Еңбек озаты» медалін Серік Құлмағамбетов, Анна Терешина, Ғабит Толысбаев сынды озаттар омырауларына тақса, «Кәсіподақтың Құрметті қайраткері» белгісі Қаныш Манамбаевқа бұйырды.
Өндірістегі көрсеткшітері үшін бір топ еңбеккер кәсіподақтың Құрмет грамотасына ие болды.
Бағдат ҚАЗКЕНОВ.
