«КәсіпҚорған» кәсіподағы «Қазақмыс» компаниясының құрылымдарында еңбек етіп, табысымен көзге түсіп жүрген еңбеккерлерді ынталандыруды үзбей жүзеге асырып келеді.
Түрлі дәрежедегі мұндай марапаттар еңбеккерлер үшін олардың жеткен жетістіктерінің жемісі деп бағаланады. Міне, сондай құрметке жақында Жезқазған мыс қорыту зауытының еңбеккері Гүлнар Қожабаева ие болды.
Ол өндіріс ошағының мысты электролиздеу цехында аспалы кран машинисіболып еңбек етеді. «КәсіпҚорған» кәсіподағының арнайы тағайындалған «Кәсіподақтың құрметті қайраткері» атағы Гүлнар Қожабаеваға кәсіподақ ұйымының қоғамдық өміріне белсене атсалысқаны және еңбегіндегі нәтижелі көрсеткіштер үшін берілді. ГүлнарҚожабаеваның аталмыш зауыттағы еңбек өтілі 27 жылды құрайды. Марапат иесі өзінің металлургия саласына қосқан еңбегіне құрмет көрсеткен кәсіподақ ұйымына алғысын білдірді.
Бағдат ҚАЗКЕНОВ.
