Жаңажылдықсауалнама
‣ Өткен жыл несімен есте қалды?
‣ Жаңа жылдан не күтесіз?
Ғабит Көпжасаров,«Нұрқазған» байыту фабрикасының бас энергетигі:
Қай саланы алып қарасақ та энергетика қызметінсіз шаруасы оңға баспайды. Кен байытусаласы да бұл қызметпен тығыз байланысты. Мен еңбекететін «Қарағандытүстімет» ӨБ қарасты «Нұрқазған» байыту фабрикасындағы электржелілері мен жабдықтары ырғақты жұмыс істеп, өндіріс қуатын арттыруға жол ашып отыр.
Фабриканың бас энергетигі ретінде сала жұмысының дұрыс бағытта жүзеге асуын қадағалаймын. Жыл бойына байыту фабрикасы төтенше жағдайларсыз жұмыс атқарып, межелі міндеттерді еңсерді. Бұл ретте байытушылардан бөлек, энерегия қызметі саласы еңбеккерлерінің қызу еңбегі де бар.
«Нұрқазған» байыту фабрикасының директоры Руслан Скендіровтің басшылығымен кен байыту үдересі 2022 жылды нәтижелі қорытындылады. Бірлігі бекем нұрқазғандық байытушылар келер жылдың жоспарының табысты болуына қамдануда. Бір сөзбен айтқанда, фабрика ұжымына жаңа жыл тың міндеттер жүктейді. Ал, оны еңсеру – біздің ортақ міндетіміз.
