Жерлесіміз – ақын, жазушы, драматург, аудармашы, Қазақстан Жазушылар одағының мүшесі, Қазақстан Театр қайраткерлері одағының мүшесі, Қазақстан Педагогикалық Ғылымдар Академиясының корреспондент-мүшесі, филология ғылымдарының кандидаты, доцент Кенжебай Ахметов «АЙБОЗ» ұлттық әдеби сыйлығының «Үздік аударма» номинациясы бойынша лауреаты атанды.
Қаламгерлер мен баспагерлерге мемлекет тарапынан жан-жақты қолдау көрсетуді, қазақ әдебиетінің тұғырын нықтап, жаңа биіктерге көтерілуіне жағдай жасауды және қаламгерлердің еңбегін насихаттап, бағыт беру және олардың шығармашылық жұмыстарының жарық көруіне ықпал етуді мақсат тұтқан Ұлттық әдеби сыйлыққа Кенжебай Кәрбозұлы Стефан Цвейгтің «Амок», «Бақилық ағаның көз жасы» шығармаларының ана тіліміздегі аудармалары үшін ие болды. Айта кету керек, К. Ахметовтың жанжақты шығармашылығы бұған дейін де биік деңгейде бағаланып, үлкен жүлделерге олжа салып келеді. Алда да шығармашылықтың шыңынан көріне бер, Кенжеке, демекпіз.
Өз тілшіміз.
