«Қазақмыс» корпорациясы» ЖШС «Жезқазғантүстімет» ӨБ «КәсіпҚорған» кәсіподағы комитетінің төрағасы Гүлнәзия Тәжібаева өндірістік бірлестік құрамындағы кәсіпорын, басқарма, бөлім қызметкерлерін мерейтойларымен құттықтады.
Қуаныш иелеріне ақжарма тілегін жолдаған Гүлнәзия Қабыкенқызы кәсіподақ атынан мерейгерлерге сый-құрмет көрсетті. Мерейлі белесте «КәсіпҚорған» кәсіподағы атынан құрметке кенелгендер сапында энергетика басқармасының техника қауіпсіздігі жөніндегі бас маманы Талғат Шегебаев, «Жезқазғантүстімет» ӨБ әкімшілік кешенінің күзетшілері Сергей Вагин мен Қуанжан Әлмағанбетов, өндірістік бірлестіктің геологиялық барлау маманы Алайдар Исаев, есеп бюросының есепшісі Айсұлу Түсіпова, «Жыланды» кенішіндегі экономикалық жоспарлау бөлімінің басшысы Кәмшәт Әуезова, экономикалық жоспарлау бөлімінің экономисі Наталья Шахтаева, «Сауда үйі» Жезқазған аймағы бойынша талдау, қабылдау бөлімінің маманы Павел Преснецов, әлеуметтік еңбек қатынастары басқармасының бас маманы Светлана Нысанбаева мен жетекші маман Зәмзәгүл Алданазарова, «Сауда үйі» мониторинг және үйлестіру басқармасының бас маманы Жұлдызай Әлкенова бар. Төраға Экономикалық қауіпсіздік бөлімінің Жезқазған аймағы бойынша басшысы Дмитрий Прокопюкті, геологиялық басқарманың телім геологі Тимур Түкішевті, экономикалық жоспарлау басқармасына қарасты «Жомарт» кенішіндегі бөлім басшысы Мейрамбек Оспановты мерей жасымен құттықтады.
Бағдат ҚАЗКЕНОВ.
