«Қазақмыс» корпорациясы еңбеккерлерінің «Jastar Bolashaq» Жастар одағы өндіріс ошақтарында жастар саясатын жүйелі жүргізумен қатар, түрлі қайырымдылық шараларына да белсене атсалысады.
Жақында Қарсақбай кентіндегі Жастар одағының өкілдігі Қарсақбай металлургиялық зауыты еңбеккерлері мен тұрғындары арасында көп балалы отбасыларға арналған қайырымдылық акциясын ұйымдастырды. Оның аясында көп балалы отбасынан шыққан мектеп жасындағы оқушы балаларға құрал-жабдығы бар рюкзактар сыйға тартылды. «Jastar Bolashaq» Жастар одағының мұндай қайырымдылық шарасына ата-ана да, бала да риза болды.
Бағдат ҚАЗКЕНОВ.
