Сәтбаев қаласындағы «Достык» уйінде Қызыл жұлдыз, «Даңқ» ордендерінің толық иегері, Сәтбаев қаласының Құрметтіазаматы Уншібаев Жақсымбек Тілеуұлының туғанына 100 жыл толуына орай «Ерлердің ерлік істері ұмытылмайды» деген атаумен еске алу шарасы өтті.
«Қазақмыс» корпорациясы» ЖШС жанындағы Ардагерлер кеңесінің басқарма төрағасы Төлеген Бүкіровтің бастамасымен қолға алынған іс-шарасының бір тармағы Жақсымбек атамыздың ерлігін насихаттау болды. Бұл кездесуде қала әкінінің орынбасары Айгүл Төлендина майдангердің ерлік жолы, ұлы жеңістен кейінгі және бейбіт өмірдегі қызметтері жайлы кеңінен әңгімеледі .
Сөз кезегін алған «Қазақмыс» корпорациясы ЖШС жанындағы
Ардагерлер кеңесі Сәтбаев филиалының басшысы Абулайс Молақов ұлы Отан соғысынық ардагерлерінің ерен еңбектерін атап өтті. Сонымен қоса, Жақсымбек атамен кездескен шақтарды еске алды. Қазақ елінің еңбегі сіңген энергетик, ақын Яхия Асатов батыр батыр жайында естеліктерден сыр шертті.
Сондай-ақ оқыңыз
Кенші ақын Мұса Тілеуов батырға арнаған өлеңін оқыды. Кездесу соңында батырмен үш жыл бірге қызмет еткен Бекмаганбет ақсақал естелектерін әңгімеледі. Яхия Асатов «батырдын еңбегі жастарға, ұрпағына үлгі болып, жастарды ерлік істерге бастай берсін» деп батасын беріп, кездесуді аяқтады.
Ибадулла Байбатыров,
«Қазақмыс» корпорациясы» ЖШС жаныңдағы Ардагерлер кеңесі Сәтбаев филиалының басшысынын орынбасары.
