«Қазақмыс Холдинг» ЖШС еңбеккерлерінің арасында биыл үшінші мәрте өткізіліп отырған спартакиада аясында қол күресінен (армрестлингтен) жарыс өтті.
Салауатты өмір салтын насихаттау, еңбеккерлердің спортқа деген қызығушылығын арттыру мақсатында ұйымдастырылған турнирге «КәсіпҚорған» кәсіподағының Жезқазған филиалы мен «Қазақмыс» корпорациясы» ЖШС еңбеккерлерінің «Jastar Bolashaq» Жастар одағы ұйыиқы болды.
Қазақмыстың Жезқазған өңіріндегі өндіріс ошақтарыныңеңбеккерлерін қамтыған қол күресі жарысында спорттың осы түріне бейім жастар бір күн бойы күш сынасты. Жарыстың нәтижесінде 80 келіден жоғарғы салмақта бірінші орынды Ғ.Омаров атындағы шахтапроходкалау тресінен Мирас Қожабаев жеңіп алса, екінші орынды Шығыс Жезқазған кенішінен Ғалым Қожаберген еншіледі. «Транко Экспресс» ЖШС-нің намысын қорғаған Азат Жанғабылов үшінші орынның тұғырынан көрінді.
Ал, 80 келіге дейінгі салмақта бірінші орынды Жезқазған мыс қорыту зауытынан Ерасыл Әмірғали жеңіп алды. Шығыс Жезқазған кенішінен Ғалым Қожаберген екінші орынды алса, энергетика басқармасынан Бағдат Ордашбаев үшінші орынды иеленді. Мықтылар топ жарған жарыста жеңімпаздарға ақшалай сыйақы мен диплом табысталды.
Бағдат ҚАЗКЕНОВ.
