Бала – өмірдің мәні. Барын баласының жақсылығына арнайтын ата-ана үкілеп өсірген ұл-қызынан үміт күтері хақ.
Болашақтың тұтқасын ұстар балаларға жасалып жатқан игілікті істер біздің елімізде де ауқымды. 1 маусым – Халықаралық балалар күніне орай ұйымдастырылатын шаралар легі өткен аптада басталып та кетті.
Оңтүстік Жезқазған кенішінің әкімшілігі кеніште еңбек ететін көпбалалы отбасылардың балаларына Сәтбаев қаласындағы «Киндер Сити» ойын-сауықтыру кешенінде керемет кеш ұйымдастырды. Оған Консультативті-кеңесші орган, кеніштегі бригадирлер кеңесі, «КәсіпҚорған», «Еңбек» кәсіподақтары, «JastarBolashaq» Жастар одағы мен «Әділеттіжол» қоғамдық бірлестігі атсалысты.
Көпбалалы отбасыларға «Үлгілі отбасы» номинациясымен бірге ақшалай сыйақы тапсырылды. Балаларға мерекелік тәттілер үлестіріліп, аниматорлар қызықты қойылымдармен балаларға қуаныш сыйлады.
Бағдат АЙТӨРЕ.
