Балқаш қаласында 20-21 сәуірде «WorldSkills Kazakhmys-2022» екінші корпоративтік кәсіби шеберлік чемпионаты өтті. Чемпионатты «Қазақмыс» корпорациясының политехникалық колледж іұйымдастыруға ұйытқы болды.
Байқау жұмысшы мамандықтардың беделін арттыруға, кәсіби дағдылардың маңыздылығын көрсетуге және кадрларды даярлау жүйесін дамытуға ықпал ету мақсатында ұйымдастырылған.
2018 жылдың қазан айында «Қазақмыс Холдинг» ЖШС қызметкерлері Екатеринбург қаласында өткен WORLDSKILLS HI-TECH-ке қатысып, бірнеше жүлделі орындарға ие болды. Сондай-ақ, 2020 жылдың ақпан айында Балқаш өңірінде орналасқан компаниялар базасында «WorldSkills Kazakhmys 2020» кәсіби шеберліктің бірінші корпоративтік чемпионаты өткен болатын.
Сондай-ақ оқыңыз
Жарысқа «Қазақмыс» корпорациясы» ЖШС-нің жас мамандары мен Балқаш және Сәтбаев қалаларында орналасқан корпорация колледждерінен 56 студент қатысты.
«Дәнекерлеу ісі», «Слесарьлы қіс» және «Электромонтаж» мамандықтары бойынша жарыстар «Балқаштүстімет» ӨБ ЖМММ-нің шағын дайындау учаскесі базасында өтті. Ал «Еңбекті қорғау» және «Графикалық дизайн» бойынша жарысқа қатысушылар политехникалық колледжде өз шеберліктерін көрсетті.
Жастарға кәсіптік бағдар беру мақсатында чемпионатқа мектеп оқушылары, колледж студенттері, мемлекеттік органдардың өкілдері, кәсіпорындардың қызметкерлері мен техникалық және кәсіптік білім беру ұйымдарының мұғалімдері, сондай-ақ, басқа да мүдделі тұлғалар қатысты.
Аталмыш жарысқа Тау-кен металлургия және аралас өндіріс еңбеккерлерінің «КәсіпҚорған» кәсіподағы қолдау білдірді. Кәсіподақ төрағасының орынбасары Абзал Жаңабергенов пен Жезқазған филиалының аппарат жетекшісі Жанар Салықова жарыс барысында жастардың кәсіби бағдарын шыңдауда бірлескен іс-қимыл жалғасын табатындығын жеткізді.
Бағдат ҚАЗКЕНОВ.
