Алматыда «Түркітілдес журналистер қоры» қоғамдық қорының ұйымдастыруымен «Fake news. Fact-checking. Informationmanipulation» тақырыбында семинар-тренинг өтті.
Шараға Қазақстандағы Америка Құрама Штаттары дипломатиялық миссиясы қолдау білдірді. Семинарды медиа-тренер, Британиядағы «Avrupa» медиа холдингінің басшысы ВатанӨз бен ВВС телеарнасының Нидерландтағы меншік тітілшісі Юсуф Өзканжүргізді.
Шараға Алматы қаласымен бірге Қазақстанның барлық облыс, аудан, аймақтарындағы телеарна, газет, сайт, радио арналарда жұмыс істейтін БАҚ өкілдері қатысты.
Семинар-тренингтің басты мақсаты – журналистердің ақпарат алу және таратудағы кәсіби білігін арттыру, фактчек жасау тәсілдерін меңгерту, деректерді тексеру, жалған ақпаратпен күресуге үндеу.
Шара барысында жалған деректі анықтау төңірегінде тәжірибелік жаттығулар жасалып, пікір алмасу болды.
Сондай-ақ, семинардың ашылуында Ватан Өз мырза аталған қордың басшысы Нәзия Жоямергенқызын Еуропадағы Түркітілдес журналистер одағының 2022 жылғы «Жыл журналисі» сыйлығымен марапаттады. Аймақтардан жиналған журналистерге серпін берген семинарға газетіміздің аға тілшісі БағдатҚазкенов те қатысып, жалған ақпараттарды анықтаудың тың тәсілдерін үйреніп қайтты.
Бағдат АЙТӨРЕҰЛЫ.
